Fin
& traverc
Tesur cultural fotografies
Abiné adöm – Tigní sö – Digitalisé – Presenté – Comuniché
Por renforzé les ativités de tröc agn dl TAP Lienz–Bornech, che laora dal 2011 incá te Südtirol, por ci che reverda le mëte al sigü y le dé inant le tesur cultural dles fotografies storiches y che se basëia sön i resultac dl proiet Interreg-V „Fotografia“, él gnü metü sö l’assoziaziun „Archif Tirolesc por documentaziun fotografica y ert – Süd“ cun sënta a Bornech. Le focus dal punt d’odüda dl contignü se basëia sön la documentaziun visiva y comparativa dl svilup dl’agricoltöra y dla mobilité, sön la fotografia dles munts cun na conscidraziun particolara dles Dolomites coche ince dla storia visiva di scizeri tla vera tles Dolomites 1915–1917. N ater punt important é chël da abiné adöm fotografies coche forma d’ert.
Le TAP – Süd fej da zënter de competënza y da rëi de competënza por l’archiviaziun de fotografies analogiches y digitales y por garantí süa originalité, al laora tl ciamp dla formaziun y arjigna ca plates d’informaziun sön coch’an dess traté les fotografies.
